බෞද්ධ දර්ශනය තුල සටනකට යොමු කිරීමක් නැත.

බෞද්ධ දර්ශනය තුළ නම් අන්තවාදයකට හෝ ත්‍රස්තවාදයකට කොහෙත්ම ඉඩක් නැත.

බෞද්ධයකු යැයි කියා ගත් අයෙකුට අන්තවාදීව යමින් ත්‍රස්ත ප්‍රහාර සිදු කරන තැනට පත් විය හැකි මුත් සැබෑ ලෙස බෞද්ධ දර්ශනය ඒ අනුව නිවැරදිව ගමන් කරන අයකුට ( සිංහල බෞද්ධ හෝ දෙමළ බෞද්ධ ) එවන් තත්වයකට පත්විය නොහැක.

බෞද්ධයන් කිසිදිනෙක තණ්හාවෙන් රටවල් හෝ අන් අයගේ දේපළ ලබා ගැනීමට කිසිවකු සමග යුද වැදී නැත. සටන් කළා නම් සටන් කළේ ප්‍රහාර එල්ල කරනා අයගෙන් තමන්ගේ රට දැය / දේපල, ජීවිත දේ රැක ගන්නට එසේ නොකර බැරිම නිසාවෙන් පමණි.

තමන්ගේ මුල් ආගම හෝ දර්ශනය කුමක් වුවත් කිසියම් අයෙකු අන්තවාදීව යමින් ප්‍රශ්න ප්‍රහාර සිදු කරන තැනට පත්වන්නේ නම් එහි වරද මූලිකව ඇත්තේ ඒ තැනට එම තැනැත්තා යොමු කරවන යම් ඉගැන්වීමක ය.

හදුනා ගත් එවැනි ඉගැන්වීම් වේ නම් ඒවා නැවැත්වීමට අවශ්‍ය පියවර නීතියෙන් ගැනීම අවශ්‍ය ය.

එසේම එවැනි ඉගැන්වීමවලට පුද්ගලයෙකු යොමු නොවෙන පරිදි ආරක්ෂා කරගැනීමේ සහ පුද්ගලයෙකු එම තැනට යොමු වීම, තල්ලු වී යාම වැලක්වීමට සාමාන්‍ය සමාජයේ අපිට කළ හැකි දේ කිරීමේදී විශේෂයෙන් වචන අකුරු පුද්ගලයින්ගේ සිත් නොරිදවන අයුරින් හැසිරවීම බෙහෙවින් වැදගත් තැනක් ගනී.

එසේම සියලු දෙනා අතරේ සාමය, සමගිය, සංහිදියාව සහෝදරත්වය පවත්වා ගැනීමේදී පාලනයේ එක නීතියක වැදගත්කමද අනාගතයේ දී බුද්ධිමය සංවාදයකට ලක් කළ යුතු වැදගත් මාතෘකාවක් බව මා ද විශ්වාස කරනා වූ කාරණයක් වේ.

රජයක මුලික වගකීම ජනතාවට ආරක්ෂාව සැපයීමය

ගරු අගමැතිතුමා දක්වා සිටි පරිදි අයි එස් හා එක් වූ ශ්‍රී ලාංකික පිරිසක් ලංකාවට පැමිණ ඇති බව දැනගත්තත් ඔවුන් අත්අඩංගුවට ගැනීමට/එරෙහිව පියවර ගැනීමට මෙරට නීතියක් නොතිබුණු බවයි.

( විදේශීය ත්‍රස්ත සංවිධානයකට සම්බන්ධ වීම නීතියට පටහැනි නොවුණු නිසාවෙන් )

අගමැතිතුමා/රජය විශ්වාසය තියනා නීතී මූලධර්ම මේවා විය යුතුය.

~නීතියක් නොමැතිව දඬුවමක් නොමැත~

~කලින් නීතියක් නොමැති ව අපරාධයක් ඇතිවිය නොහැක~

~හිංසාවක් පූර්වානුමාන නොකරයි~

~ යම් පුද්ගලයෙකුගේ සිතිවිලි වලට පමණක් දඩුවම් නොකල යුතුය~

~නාශය නැති තැන නඩුකර නොමැත~

( අයි එස් හා එක් වූ ශ්‍රී ලාංකික පිරිසක් ලංකාවට පැමිණ ඇති බව දැනගත්තත් ඉරිදා කලා බදු ප්‍රහාරයක් කලින් කලේ නැති නිසා )

සරලව කිව හොත් ඔවුන් ත්‍රස්තවාදීන් ලෙස පුහුණුව ලබා තිබිය හැකි වුවත් ශ්‍රී ලංකාව තුළ නීතිය කඩවන ත්‍රස්තවාදී ක්‍රියාවක් යයි සලකන ක්‍රියාවක් සිදු කරන තුරු ඔවුන්ට එරෙහිව නීතිය ක්‍රියාත්මක කරන්නට නොහැකි තැන තිබූ බවත් එසේ කලා නම් මානව හිමිකම් කඩ කිරීමක් ලෙසින් සලකනු ලැබිය හැකිව තිබුණු බවත් එනිසා කිසියම් වූ පියවරක් ගැනීමට නොහැකි ව සිටි බවත් ය.

ඒ අර්ථයෙන් නම් එතුමන් ටිකක් දුරට හරි බව පෙනෙන නමුත්
.........
එසේ වුවත් ශ්‍රී ලංකාව තුළ ත්‍රස්තවාදී ක්‍රියා ලෙස හඳුනාගත් ක්‍රියා තහනම් කිරීම සඳහා ත්‍රස්තවාදය වැළැක්වීමේ පනත නමින් පනතක් ක්‍රියාත්මකව ඇත.

( එය වෙනස් නොකොට එලෙසම පවත්වා ගැනීමේ වැදගත්කම ආණ්ඩුව ද වටහාගෙන ඇතුවාට සැක නැත )

එම පනත යටතේ දක්වා ඇති වැරදි සිදු කිරීම පමණක් නොව  එම වැරදි සිදු කිරීමට අනුබල දීම කුමන්ත්‍රණය කිරීම සහ තැත්කිරීමද වරදකි.

අයි එස් හා එක්වූ එක් වූ ශ්‍රී ලාංකික පිරිසක් ලංකාවට පැමිණ ඇති බව දන්නේ නම් ඒ පිළිබඳ විශේෂයෙන් සැලකිලිමත් විය යුතුව තිබුණි.

ඔවුන් පුහුණු වී එන්නේ මෙහි බණ භාවනා කරන්නට නොවෙනා බව කුඩා දරුවෙකුට වුව තේරුම් යන මොවුන්ට තේරුම් යා යුතුම වන කාරණයකි. අවදානයෙන් සිටියා නම් වරදක් නොකලත් ඊට පෙර වරදක් කිරීමට පෙලබවිම හරහා සුදානම් වීමේදී / කුමන්ත්‍රණය / වරදක් කිරීමට තැත් කිරීම යටතේ හෝ අත් අඩංගුවට ගන්නට උත්සාහ දරන්නට තිබුණි.

ඔවුන්ගේ ප්‍රහාර සැලකූ කල්හි ඒ තරම් ප්‍රහාර සිදු කිරීම සඳහා වග කිවයුත්තන්ට සංවිධානය වීමට සහ සිදුවීමෙන් දින දෙක තුනක් යන තුරු ම ඇදිරි නීතිය දමමින් හදිසි නීතිය යටතේ සැකකටයුතු භාණ්ඩ පුද්ගලයින් අත්අඩංගුවට ගැනීම සෝදිසි මෙහෙයුම් සිදු කිරීම දක්වා පැමිණෙන තැනට එන්නට වූයේ ඔවුන් කෙරෙහි රජයක් වශයෙන් දැක්විය යුතු ව තිබුණු නිසි අවධානය ‍යොමු කිරීමට අසමත් වීම නිසා බව දැකවීමේ වරදක් නැත.

අනෙක් අතින් අයි එස් හා එක්වූ ශ්‍රී ලාංකික පිරිසක් ලංකාවට පැමිණ ඇති බව දැනගත් පිරිසට එරෙහිව හදිසි නීති රෙගුලාසි බලාත්මක කොට ඒ යටතේ සොයා බලා විමර්ශන කටයුතු කොට සැකයක් ඇත්නම් අඩංගුවට ගන්නට තිබුණි.

අයි එස් හා එක්වූ ශ්‍රී ලාංකික පිරිසක් ලංකාවට පැමිණ ඇති බව දැනගත් පිරිස ගැන අවධානයෙන් සිට ඔවුන්ට එරෙහිව ලැබෙන පලමු අවස්ථාවේම දණ්ඩ නීති සංග්‍රහයේ අනුබල දීම /කුමන්ත්‍රණය / රාජ්‍ය විරෝධී වැරදි / නීති විරෝධී රැස්වීම යටතේ ක්‍රියාත්මක වන්නට උනන්දු වන්නට තිබුණා නොවේද ...

මන්ද ඔවුන් ප්‍රහාර එල්ල කරනු ඇත්තේ බලයේ සිටිනා වූ ජනතා ඡන්දයෙන් පත්වූ නිත්‍යානුකුල රජයකට සහ එම ජනතාවට සහ එම දේපලට යන බව පූර්වේක්ෂණය එනම් කල් තියා හදුනා ගන්නට තොරතුරු තිබුණේ නම් ක්‍රියාත්මක වන්නට හැකි තැන ඇති නිසාය.

ඔවුන් පුහුණු වී එන්නේ මෙහි බණ භාවනා කරන්නට නොව ත්‍රස්ත ප්‍රහාරයකට බව අවබෝධ කරගෙන දණ්ඩ නීති සංග්‍රහය යටතේ ආගම පිලිබද වැරදි සිදු කිරීමට තැත් කිරිම යටතේද නීතිමය පියවර ගන්නට උත්සාහ කරන්නට තිබුණා නොවේද ...

අයි එස් හා එක් වූ ශ්‍රී ලාංකික පිරිසක් ලංකාවට පැමිණ ඇති බව ගරු ජනාධිපතිතුමන් දැනුවත් නොවී සිටියාද දැනගත් අය එතුමන්ව දානුවත් නොකලාද කියන්නට අපිට දිවැස් නැත.

ඔය එක නීතියක් හෝ ඕනෑකම තිබුනා නම් යොදා ගන්නට බැරි නැති බව මාගේ නම් මතයය/හැගීමය!!!

එසේ නොහැකිම යැයි කියන්නෙ නම් ආණ්ඩු බලය දරමින් සිටිනාවූ ඔවුන්ට එරෙහිව ක්‍රියාත්මක වන්නට නීතියක් හදන්නට / නැහැයි කියනා නීති එක් කොට තිබෙනා පනත් හෝ අවශ්‍ය සංශෝධනයට ලක් කරන්නට වුව අවස්ථාව තිබුණි. මන්ද මහජන සුභසාධනය සැලැස්වීම නීතියෙන් කල යුත්තක් / උපරිම නිතිය ලෙසින් නීතියෙන්ම පිළිගන්නා නිසාවෙනි.

ඔය හැම අවස්ථාවකම සිදුව ඇති බව අපට පෙනී යන්නේ කල යුතු දේ නොකර හැරීම ය ...

අගමැතිවරයාගේ උක්ත නිදහසට කාරණයට පිළිගැනීමක් දිය නොහැක්කේ එබැවිනි.

එසේම ඔවුන්ගේ වගකීම් විරහිත මට්ටමේ ක්‍රියාකලාපය සලකද්දී :-

පුහුණු වී එන්නේ මෙහි බණ භාවනා කරන්නට නොව ත්‍රස්ත ප්‍රහාරයකට බව අවබෝධ කරගැනීමට සාමාන්‍ය සිහි බුද්ධිය ඇති අයට නම් අවබෝධ කරගන්නට හැකි නිසා එවන් තොරතුරු පිළිබඳ අනිවාර්යෙන් සැලකිලිමත් විය යුතුව ඇත. එවන් දැන සිටි තොරතුරු නම් විමර්ෂණයන් සදහා දෙන්නට අපරාධ නඩු විධාන සංග්‍රහය යටතේ සහ දණ්ඩ නීති සංග්‍රහය යටතේ පමණක් නොව ත්‍රස්තවාදය වැලක්වීමේ පනත යටතේද තොරතුරු දන්නා අය නීතියෙන් බැදී සිටී.

~ පරිසිද්ධිය නොදැනීම ක්ශමණය කළ හැකිය ~ ( එනම් සිද්ධිය නොදැනීම සමාවට කරුණකි )

ඒ අනුව අපිට හිතුනේ නෑ, අපිට එච්චර හිතුන් නෑ, අපිට දැන්වුවේ නෑ, අපිට තේරුණේ නෑ කියා ඕනෑම මට්ටමක වගකීමෙන් බැහැර වන්නට හැකි බව එකවර පෙනී ගියත්

ප්‍රායෝගිකව එසේ නොවේ.

~ හැම තැනැත්තෙකු විසින් ම දැන සිටිය යුතු දේ නොදැනීම ක්ෂමණ හේතුවක් නොවේ ~

අනුව හැම විටම වගකීමෙන් බැහැර විය නොහැකිවනු ඇත. මන්ද සාමාන්ය සිහිබුද්ධිය ඇති තැනැත්තන් විසින් සාමාන්‍ය අවබෝධය යටතේ තේරුම් ගත හැකි සහ ඒ යටතේ දැක්විය යුතු ක්‍රියාකාරීත්වයන් නොපෙන්වීම/පැහැර හැරීම සමාව දීමට හේතුවක් නොවෙන නිසාය.

අප අත්දැක ඇති ත්‍රස්තවාදී ක්‍රියාවන්ට වගකිව යුතු වූ එල්ටීටීඊ සංවිධානය මේ රට තහනම් සංවිධානයකි.

විදේශයේ ඔවුන්ගේ ක්‍රියාකාරිත්වය පිළිබද පුවත් අසන්නට ලැබී ඇති නිසා ත්‍රස්‍ත සංවිධානයක් ලෙසින් අයි එස් ක්‍රියාකාරීන් එක්කිරීම වැදගත් යැයි සිතන්නට තරම් බුද්ධියක් ඔය රජයේ කිසිවකුට නොතිබුණාද දන්නේ නැත. නො එසේ නම් ඔවුන් විසින් එය ඕනෑ කමින්ම පැහැර හැර ඇත.

ත්‍රස්ත ක්‍රියා සිදු කළ හැකි යැයි ප්‍රචලිත/දන්නා යම්කිසි කණ්ඩායමකට සංවිධානයකට එරෙහිව මෙරටේ නීතිය ක්‍රියාත්මක කරන්නට නොහැකීවීමට එම සංවිධානය හෝ කණ්ඩායම අදාල නීතිය යටතේ ලියාපදිංචි කිරීමක්/ලයිස්තු ගත කිරීමක් නොකර තිබීම හේතුවක් නම් ඒ අවදානම දැන ගත් වහාම එයට අවශ්‍ය පියවර ගත යුතුව තිබුණා නොවේ ද ???

අපේ සහ රටේ ආරක්ෂාව වෙනුවෙන් ඔවුන් ක්‍රියාකාරී වී ඇති තරම ජනතාව වශයෙන් අපට හිතා ගන්නට මෙය හොද අවස්ථාවකි.

එසේම ,,,

~බාහිර ක්‍රියාකාරකම් වලින් රහසිගත චේතනා හෙළිවේ~

ඔවුන් පුහුණු වී එන්නේ මෙහි බණ භාවනා කරන්නට නොව විදේශයන්හි දී වාර්තා වන පරිදි අප අහන දකින ආකාරයේ කිසියම් වූ අවස්ථාවක එල්ල කළ හැකි ත්‍රස්ත ප්‍රහාරයකට බව අවබෝධ කරගැනීමට නොහැකිවුනිද ???

~ පරිස්සම්කාරි වීම සුව කිරීමට වඩා අගනේය ~ ( Prevention is better than cure )

ඒ අනුව ශ්‍රී ලංකාවේ ආරක්ෂාවට දේශීය වශයෙන් හෝ විදේශීය වශයෙන් කිසියම් වූ කණ්ඩායමක සාමාජිකයන්ගෙන් කිසියම් වූ තර්ජනයක් ඇති බවට ප්‍රමාණවත්  දැනීමක් අවබෝධයක් තිබුණා නම් ප්‍රතිකාර කළ යුතු තත්වයකට පත් වන්නට පෙර තුවාල නොවී තියා ගැනීමට වගබලා ගැනීමේ යුතුකමක් මිනිසුන් පත් කළ  රජයට තිබුණා නොවේද ...

~ අයිතිවාසිකමක් ඇති තැන පිළියමක් ඇත ~

පුද්ගලයෙකුගේ මරණය සිදු කරන්නේ සහ දේපල අහිමි කරන්නේ නීතියට අනුව ය. එසේම
ජීවත් වීමේ අයිතිය සහ දේපල ආරක්ෂා කරගැනීමේ නෛතික අයිතියද පුරවැසියන්ට ඇත. එසේ නම් ඒ සදහා නෛතික ක්‍රමවේදයක් ඇත. එසේ නොමැති නම් නීති සෑදිය යුතු හෝ වෙයි.  ආණ්ඩු පත්කරන්නේ ඒකට ය!!!

කවර ආකාරයෙන් මතුවූවත් ත්‍රස්තවාදය යනු එක් රටකට පමණක් සීමා වූ අර්බුදයක් නොව අන්තර්ජාතික වශයෙන් සාමාන්‍ය ජන ජීවිතයට දේපලට බලපානා ප්‍රශ්නයකි. එවන් ප්‍රශ්නයක් ශ්‍රී ලාංකීය සමාජයට ඇති වීමේ ඉඩක් පිළිබඳ කරුණු දැනගෙන සිටිමින් එමගින් සිදුවිය හැකි කිසියම්ම මට්ටමක හානියක් වැළැක්වීම සඳහා පවතින නීති යම් ආකාරයකින් හෝ යොදා නොගෙන නො එසේ නම් අලුතින් නීති සෑදීමට හැකියාව තිබිය දී එසේ නොකොට දැන් නීතියක් නොතිබ්බ නිසා මොකුත් කරගන්න බැරි උනා යැයි පවසන්නේ නම් පැහැදිලිවම එය වගකීම් විරහිත ප්‍රකාශයක් ලෙස පෙනී යන එකක් වන අතර එවන් ප්‍රකාශ දැඩි පිළිකුලෙන් යුතුව බැහැර කල යුතුවේ!!!

සත්‍යය ප්‍රතිරූපය සහ මතු කරනා ප්‍රතිරූපය

තවත් අයෙකු සමග යා යුතු එක්තරා ආයතනයකට අදාළ පනත, වැදගත් තවත් කාරණා සහ සිද්ධිමය කරුණු කල් ඇතිව කියවා ලැහැස්තිව සිටියදී මුහුණු පොතේ එකී ආයතනය ගැන තිබුණු අදහස්
උදෑසන අහම්බෙන් කියවීමට ලැබුණි.

ඒ අදහස් අනුව අදාළ ආයතනය සම්බන්ධව දැඩි විවේචන සමග මවා තිබුනේ කළු ප්‍රතිරුපයකි.
නමුත් අවස්ථාවට මුහුණ දීමට පෙර එහි සත්‍යතාවය තීරණය කරන්නට නොහැකි නිසා ඒවා එතරම් තැකීමක් නොකලද එසේ වුවද එයින් පසුව අදාළ පනත සිද්ධිමය කරුණු වලට මා තවත් අවධානය යොමු කොට තවත් සුදානම් වුයෙමි.

එසේම මුහුණු පොතේ දක්වා තිබුණු අඩුපාඩු සම්බන්ධව විශේෂයෙන් අවධානයේ පසුවන්නට සිතා ගත්තෙමි.
අවස්තාව උදාවිය.

ආරම්භයේ සිටම, මැද සහ අවසානය වන විටද තීරණය කල හැකි වුයේ මවා තිබුණාවූ කළු ප්‍රතිරූපය අහලකවත් නැති අතර මා සිතාගෙන සිටියාටත් වඩා සුහදශීලි ලෙසින් සංවේදී ලෙසින් අප ගිය කාරණය සම්බන්ධව අදාළ ආයතනය ක්‍රියාත්මක වූ බවය !!!

තමාගේ අවශ්‍යතාවයක් යම් ස්ථානයකින් ඉටු නොවුණු කල එම ස්ථානය පිලිබදව මැවෙන මතය කොහොමත් පිරිසිදු සුදු එකක් නොවේ. තමාගේ අවශ්‍යතාවය ඉටු කරගත හැකි මට්ටමේ එකක් ව තිබියදී ආයතනයේ අකාර්යක්ෂමතාවය නිසා ඉටු නො වී නම් එසේ මැවී යාමේ එක අතකට වරදක් ද නැත!

නමුත් තමාගේ අවශ්‍යතාවය ඉටු කරගත හැකි මට්ටමේ එකක් ව තිබියදී එසේ වුවත් කොහොම හෝ ඉටු කරගන්නට හිතාගෙන තිබියදී එය ඉටු නොවුනේ නම් සහ එයට මෝඩකම ඇතුළු එවන් මානසික තත්වද එක්වූ කල ප්‍රතිපල වන්නේ කොහොමත් සුදු ප්‍රතිරූපයක් නොවේ. එලෙස මවා පානා ප්‍රතිරුප මගින් විද්‍යාමාන වන්නේ සත්‍යය නොවේ.

ගීත සහ එහි හඩෙහි මට්ටම සම්බන්ධ නීති ???

බස් රථ වල වාදනය කරනා ගීත සම්බන්ධව සහ ඒවා වාදනය වන්නට හැරිය යුතු ශබ්ද තිව්රතා මට්ටම ( ඩෙසිබල් ) පිලිබදව යම් නීතිමය තත්වයක් ගෙන ඒමට ලංකා ගමනාගමන කොමිෂන් සභාව තීරණය කර ඇති බවට පුවතක් විය.

එය මගී ජනතාවගේ පැත්තෙන් ප්‍රයෝජනවත්ය.

ඒ වනාහි ආදරයෙන් පැරදී දෙන ලතෝනි / විලාප සංගීතය ලෙස රසවිදීමට නැඹුරුව ඇති කල්හි කණක් ඇසි කණ තියාගෙන යාමට හැකි වීම පැත්තෙනි.

එහෙත් එයටත් වඩා අවධානය යොමු කල යුතු කාරණයක් ද වේ.

එනම් අදාළ වේග සිමා ඉක්මවා ධාවනය / අපරික්ෂාකාරී / අනවධානයෙන් / නොසැලකිලිමත් ලෙසින් / අනතුරුදායක ලෙසින් ධාවනය කරන්නේද යන්නයි.

එසේ නම් ඒවන්නවුන්ව නීතියේ රැහනට හසු කරගෙන ලකුණු කපා දමා කණ රත්වෙන්නට නීතියෙන් ප්‍රතිකාර කල යුතුවන තත්වයකි.

එහිදී එවන්නවුන්ව නීතියේ රැහැනට කොටු කරගන්නට උක්ත කොමිෂන් සභා නිලධාරින් / පොලිස් නිලධාරින් සහ බස් රථයක ගමන් ගන්නා මගී ජනතාව සේම අවට සිටිනා ජනතාව යන සැවොම දායක විය යුතුද වේ!

තමන්ගේ අයිතිය භාවිතා කල අවස්ථාවකට උදාහරණයක්

අද දින අලුත්කඩේ මහේස්ත්‍රාත් අධිකරණ පරිශ්‍රයේදී මා හට නීති විද්‍යාලයේදී දන හදුනා ගත් වෘත්තීය සගයෙකු මුණ ගැසිනි. හෙතෙම සිය අත්දැකීමක් මා හා බෙදා ගත්තේය.

මාර්ගයේ සාමාන්‍යයෙන් බස් රථ නවත්වන ස්ථානයකින් බස් රථයෙන් බැසීමට ඉඩ නොලැබීම සම්බන්ධව හෙතෙම කාරුණිකව විමසීමේදී රියදුරා සහ කොන්දොස්තරවරයා ආවේගශීලිව ක්‍රියාත්මක වෙමින් මිතුරාට බැන වැදීමක් කර ඇති අතර මිතුරා තමා නීතිඥවරයෙකු බව පැවසුවද කිසිදු තැකීමක් නොකොට තවත් දුරක් ගෙන ගොස් කල හැකි දෙයක් කර පෙන්වන මෙන් කියා බස් රථය නතර කර ඇත.

ඒ අනුව තමාට කල හැකි දේ පෙන්වන බව කියා පැමිණ ඇති මිතුරා කෙලින්ම පළාත් මාර්ගස්ථ මගී ප්‍රවාහන අධිකාරියට සියලු තොරතුරු සපයා පැමිණිල්ලක් කර ඇත. 👍👍👍

ඒ අනුව ක්‍රියාත්මකව ඇති එහි නිලධාරින් විමර්ෂණය සදහා වග කිව යුත්තන් කැදවා ඇති අතර එහි නිලධාරින් ඔවුන්ට තදින් අවවාද කල බවත් ඔවුන් සේවය කිරීම නවතා ආචාර ධර්ම සම්බන්ධ දේශන සදහා යොමු කරවන ලද බවත් මිතුරා දන්වන ලදී. අධිකාරියේ නිලධාරින් දක්වා ඇත්තේ මෙවැනි සිදුවීම් පිළිබද පැමිණිලි ලැබෙනවා අඩු බවත් මේ ආකාරෙයන් ක්‍රියාත්මක විය යුතු බවත්ය. එහිදී මිතුරා දක්වා ඇත්තේ කතා කිරීම සම්බන්ධව මෙවැනි තැනැත්තන්ගේ විනය හැදිය යුතු බවය. එදා කරන්නට පුළුවන් දෙයක් කර පෙන්වන්නැයි කියමින් උජාරුවෙන් කතා කල වගකිවයුත්තන් අද හුලං බැස ගිය බැලුන් මෙන් සිටි බවත් සිදුවූ සිදුවීමට තමන්ගෙන් සමාව ඇයද ඇති බවත් මිතුරා මා සමග කියනා ලදී. 😁😁😁 ...

හැදෙන්නට එක අවස්තාවක් හෝ දිය යුතු නිසාවෙන් සහ ඔවුන් ආවේගය වචනයට සිමා කල නිසාවෙන් මේ සම්බන්ධව වැඩිදුර නීතිමය පියවර නොගත් බවත් නො එසේ නම් එදා අභියෝගය බාර ගෙන තමන්ට නීතියට අනුව කළහැකි දේ කර පෙන්වන බවත් මිතුරා ප්‍රතිචාර දක්වමින් සදහන් කර ඇත.

මා මිතුරා සමග 100 % ක් ම එකග ය ... 👍👍👍 ...

හැමෝම නැතත් සමහරක් රියදුරන් සහ කොන්දොස්තරවරුන් අයත් වන්නේ ඔය කුලකයටය. ඔවුන්ට අනුකම්පා කල යුතු නැත. මන්ද එසේ වන්නට වන්නට ඔවුන් තවත් දිරිමත් වන බැවිනි. ඒ අනුව අවස්තාව උදා වූ කල මොළයෙන් නෙලිය යුතුය!!!

මිතුරා කර ඇත්තේ එයය!!! 👍👍👍

වචන හුවමාරුවක් වී නැතත් සමහරක් ගැන තොරතුරු මාද ඉදිරිපත් කර ඇත්තෙමි. ඒ මා හට කොහොමත් හුරු අත භාවිතා කරමිනි!

ඔවුන් හැදුනා නැතා ඔවුන්ගේ පාලනයක් තිබිය යුතුවෙයි. නො එසේ නම් අධිකාරියෙන් නොනැවතී නීතිමය පියවර ගත හැකිය / යුතුද වේ.

ඒ සදහා ජනතාව කරබාගෙන නොසිට ක්‍රියාත්මක විය යුතු වේ!

මාගේ උගත් මිතුරා ඊට කදිම ආදර්ශයක් ප්‍රායෝගිකව සපයා ඇත !!! 💪💪💪 ...

මා මෙම කෙටි සටහන තැබුවේ මිතුරා සිදු කල ප්‍රායෝගිකව මගින් /පුරවැසියන් වන අප කාටත් වැදගත් වන හෙයින් ද එය ඉහලින්ම අගය කිරීමක් වශයෙන් සහ අවස්තාවක් උදාවූ කල එය ආදර්ශයට ගැනීම දිරිමත් කිරීම පිණිසය !!!

පාර්ලිමේන්තු ප්‍රජාතන්ත්‍රවාදය

අපි දන්නා, අපි ඉගෙනගත් සහ විභාගද සමත්වූ දැනුමට අනුව නම් ප්‍රජාතන්ත්‍රවාදය යන්නෙහි අදහස ලෙස කිව හැක්කේ බහුතර ජනමතය බහුතරයක් මගින් නියෝජනය කරමින් පාලනය ගෙන යාම ය.

දැන් වත්මන් පාර්ලිමේන්තුවේ බහුතර ජනතා මතයක් නියෝජනය වේ ද ? බහුතරයක් හෝ තිබේද?
ඒ දෙකම ඇති බවක් පෙනෙන්නට නැත. යාන්තමට 113 අමුණාගන්නට හැකි බව කියනා මුත් එයද විශ්වාස නැති බව ආණ්ඩුවේ සමහර අයගේ අදහසක් බව පෙනේ. ජනමතය නියෝජනය වන ලෙස පාර්ලිමේන්තුව සකස් වීමක් ද නැත. ඒ තබා බහුතරය ද එකදු පක්ෂයකට හෝ නැත.

මහින්ද රාජපක්ෂ මහතා අගමැතිධුරය දැරූ පහුගිය ආණ්ඩුවේ බහුතරය ගැන මහා ඉහළින් ප්‍රශ්න කළ කිසිවෙකු වත්මන් ආණ්ඩුවේ බහුතරය ගැන ප්‍රශ්න නොකරති, විපක්ෂය සමග එක්ව යුහුසුළුව විශ්වාසභංගයක් ගෙන එනවා තබා මීක් සද්දයක් හෝ නැත. ඒ අනුව ඔවුන්ට අනුව වර්තමානයේ ප්‍රජාතන්ත්‍රවාදය මැනැවින් ස්ථාපිතව ඇතිවා විය යුතුය.

පහුගිය මහ මැතිවරණයේදී ජනතාව ඡන්දය දී ඇත්තේ එකතු පක්ෂයකටවත් බහුතරය හෝ නොලැබෙන පරිදිය. ඒ අනුව හවුලේ පාලනයකට ජනමතය ලබාදුන්නා දෝ සිතේ.

එසේ නම් එක පක්ෂයක් / සන්ධානයක් විසින් බහුතර බලයක් යටතේ පාලනයක් ගෙන යනවාටත් වඩා වගකිවයුතු පාලනයක් ඒ හවුල යටතේ ජනතා නියෝජිතයින්ගෙන් ජනතාව බලාපොරොත්තු වී ඇත.
ඒ මිසක තමන්ට උවමනා උවමනා හැටියට පක්ෂ එක්වීමෙන් ලැබෙන බලය පාවිච්චි කරන්නට ජනතාව ඡන්දය දී නැත.

ඒ අනුව බහුතරය ලබා ගැනීමට ජාතික ආණ්ඩුවක් අටවා ගැනීමට එනම් හවුලේ පාලනයක් ගෙනයාමට පොතේ හැටියට සිද්ධ විය.

මහ මැතිවරණයේ ප්‍රතිඵල ලැබෙන විට ඒ ආකාරයේ පාලනයක් ගෙන යාම සඳහා පොත ද සකසා තිබුණි.
පවුල් පාලනය හොඳ නැතැයි සමහරුන් කීවද හවුල් පාලනයේ කිසිම අවුලක් ඇතිවිය හැකි බවක් එසේ කියනා සමහරක් අය දකින්නේ නැත.

හවුලේ කැදත් එපා යැයි ජනවහරේ සම්මතව ඇත. එසේ වන්නේ හවුලක් අවුලට යොමු වීමේ වැඩි ඉඩක් ඇති නිසාය. එසේ වුවත් අවුලක් නැතිව හවුලක් ගෙන යාමට හැකිතාක් කල් හවුලක් පවත්වා ගැනීමට නිතිය ඉඩ දේ. හවුල් ව්‍යාපාර සදහා ඉඩ ඇත්තේ ඒ ආකාරයටය.

කෙසේ හෝ දේශපාලන ප්‍රතිපත්ති බොහෝ විට වෙනස් වන පක්ෂ දෙකක හවුලක් අවුලක් නැතිව දුවනු ඇත්තේ සම්පූර්ණයෙන්ම වාගේ එකිනෙකා මත තියා ගන්නා වූ විශ්වාසය මතය.

එය බිඳී යන්නේ නම් එයින් පසු කිසිවෙකු පිළිගත්තා නැතා ජනමතය පාර්ලිමේන්තුවෙන් නිරූපණය වීමද අවසන් වේ.

එවැනි විටෙක ඔය ප්‍රජාතන්ත්‍රවාදය ගැනම අදහස් දක්වන අය නම් කළ යුත්තේ තමන් විසින්ම විසින් ම මූලිකත්වය ගෙන නැවත ජනමතය පරීක්ෂා කිරීමට යොමු වීම ය.

පාර්ලිමේන්තුව විසුරුවා හැර මහ මැතිවරණයක් කැඳවීම තුළින් ජනාධිපතිතුමා උත්සාහ කළේ එම අවස්ථාව ලබා ගැනීමටය.

එහෙත් නඩු තීන්දුවෙන් පසුව අපද දැනගත් පරිදි පාර්ලිමේන්තුව පෙර අවස්ථාවලදීට වඩා බලයෙන් ඉහළ ගොස් ඇත.

ඒ කෙසේද යත්, පාර්ලිමේන්තුවේ බහුතරය ඇතා නැතා, පාර්ලිමේන්තුවේ ජනමතය නියෝජනය වූවා නැතා, අයවැය සම්මත කර ගැනීමට හැකි වුවා නැතා තුනෙන් දෙකක් පෙන්නුවේ නැතිනම් මුල් වරට රැස්ව වසර හතර හමාරක් යන තුරු හොල්ලන්ට බැරි එකක් බවට පත්වීමෙනි.

ජනාධිපති ධුරයේ බලතල ගැන ප්‍රශ්න කරනා සම හරක් පාර්ලිමේන්තුවට දී ඇති අනවශ්‍ය බලය සම්බන්ධව මීක් නොකියති. ඒ වෙනුවට තව තවත් බලය පාර්ලිමේන්තුව වෙතම ගොනු කර ගැනීම සඳහා වූ යෝජනා ද ගෙනෙති.
බලයට කෑදර කවුරුන්දැයි බලය බෙදීම පිලිබද මුලධර්මය ( the doctrine of separation of powers ) ගැන දන්නා වූ කිසිවෙකුට අමුතුවෙන් කියා දෙන්නට එන්නට අවශ්‍ය නැත!!!

එසේම ශක්තිමත් සහ ප්‍රජාතන්ත්‍රවාදය වෙනුවෙන් පෙනී ඉන්නාවූ විපක්ෂයක පැවැත්ම පිළිගන්නට මනාප නැති මට්ටමේ ජනතා නියෝජිතයන් යැයි කියා ගන්නා උදවියද රගමින් සිටිනා අරුම පුදුම පාර්ලිමේන්තුවක් ද වීම සම්බන්ධව ඔය පාර්ලිමේන්තුවේ ප්‍රජාතන්ත්‍රවාදය ගැන දේශනා කරනා අයටම මිස අපට නම් අල්ප මාත්‍රයක ප්‍රසාදයක් නැත්තේය.

ඒ අප්‍රසාදය පල කරන්නට ලැබෙනා පලමු අවස්ථාවේදී ඔවුන්ට එරෙහිව කතිරයෙන් කණ රත්වෙන්නට භාවිතා කරනු ඇත!!!

කුඩා දරුවන් මහණ කිරීමේදී කැමැත්ත

කුඩා දරුවන් මහණ කිරීම වෙනුවෙන් දෙන දරුවන්ගේ කැමැත්තේ ගැටළුවක් ඇත්නම් හෝ එයට කැමැත්ත දෙන්නට දෙමාපියන්ට නොහැකි නම් හෝ එකී කැමැත්ත ගැන ගැටළුවක් ඇති නම් දරුවන්ගේ උපරිම භාරකරු වන දිසා උසාවිය හමුවට එම ගැටලුව රැගෙන යා යුතුය.

එසේම වයෝපුර්ණත්වය ( අවුරුදු 18 ) සම්පුර්ණ වීම දක්වා යම් කාලයකට වතාවක් එම දරුවන් පිලිබදව නීතියෙන් සොයා බලන තත්වයක් ඇති කල හැකිය.

මෙහි අර්ථය ශාසනයට දරුවන් ඇතුලත් කිරීමේදී එය උසාවිය හරහා සිදු කිරීමට යටත් කිරීම නම් නොව කිසියම් ගැටළුවක් ඇත්නම් එය විසදා ගැනීමට යොමු කිරීම පමණි!

එවිට ඒ පිලිබදව සැක පහල කරන අයගේ සැකයද දුරුවන අතර කුඩා දරුවන් මහණ කිරීම සම්බන්ධව පදනමක් නැතිව සිදු කල හැකි විවේචන වලටද ඉඩක් නැතිවේ.