එසේ වන්නේ කෙසේද?
උසාවියේ පෙනී සිට හෝ නැතිව වුව නීතියට අදාලව කිසියම් කාර්යයක් කිරීමට මුදල් ගෙවූ පසුව ඔහුට අවැසි කාර්යය නීතිඥවරයා විසින් කිසිදු අඩුපාඩුවක් නොමැතිව තමා වෙනුවෙන් කරනු ඇතැයි සේවාදායකයා වන හෙතෙම මහත් වූ බලාපොරොත්තුවෙන් පසුවේ.
එහි කිසියම් අඩුවක් වුවහොත් පුර්ණ වගකීම නීතිඥවරයා වෙත පැවරීමට හෙතෙම පසුබට නොවෙන තැන ඇත.
ඔහු සමග ප්‍රවේශමින් කටයුතු කල යුත්තේ එනිසාය !
ඒ කෙසේද යත් ,,,
එම සේවය සැපයීමේ ගිවිසුමේ ප්‍රතිෂ්ඨාව ලෙස සැලකිය හැකි මුදල නිසියාකාරව ගෙවන තුරු නෛතිකව එම සේවාදායකයා වෙනුවෙන් උසාවියේ පෙනී සිට / පෙනී සිටින ලෙස තවත් නීතිඥවරයෙකුට උපදෙස් දී / උසාවියේ පෙනී සිටීමක් නොවෙන අවස්තාවක වුව ඒ කාර්යයට අදාළ / අවශ්‍ය පියවර ගැනීමේ වගකීමෙන් නීතිඥවරයා බැදේ.
ඒ බැදීමෙන් ඉවත් වන්නේ නම් ඊට සාධාරණ පිළිගත හැකි හේතුවක් / හේතු සේවාදායකයාගේ කැමැත්ත ඇතිව හෝ නැතිව උසාවියට ඉදිරිපත් කරන්නට සිදුවේ.
ඔහු නියමිත පරිදි ගාස්තු හෝ නඩුවට අවශ්‍ය උපදෙස් දෙන්නේ නැති නම් ඒ බවට කරුණු / සාක්ෂි එකතු කරගෙන උසාවියට ඉදිරිපත් කොට සේවාදායකයා සමග අනවශ්‍ය ගැටුම් ඇති කරගන්නට නොගොස් පෙනී සිටීමෙන් ඉවත් වීමත් කල යුතු ය.
උපදෙස් මත පෙනී සිටින්නේ නම් උපදෙස් දෙන නීතිඥවරයාගේ උපදෙස් නොමැතිව හුදෙක් සේවාදායකයාගේ උපදෙස් මත පමණක් තනිව කිසිම පියවරක් / ක්‍රියාමාර්ගයක් ගැනීම සුදුසු නැත.
අවශ්‍යම දෙකට මිස දුරකථන ඇමතුමක් පවා නොදීම. කෙටි පණිවිඩ ද අවශ්‍යම කාරණයකට මිස නොයවිම ලැබෙන ඇමතුම් කෙටි පණිවිඩ වලටද කෙටියෙන් සහ අවශ්‍යම කරුණු දක්වා පිළිතුරු දීම / යැවීම නීතිඥවරයකුගේ පැත්තෙන් සුභ දායක වනු ඇත!
අනෙක් අතින් සේවාදායකයින් ඕනෑවට වඩා හිතවත් වෙන තැනට හෝ ගැටුම් ඇති කරගන්නා තැනට යන්නට ඉඩ නොදිය යුතු වන්නේද Client is a paid enemy යන කාරණය මත ඔය අන්ත දෙකම නීතිඥවරයාගේ වෘත්තීය ස්වාධීනව පවත්වා ගෙන යාමට බාධාවක් විය හැකි නිසාවෙනි!
No comments:
Post a Comment