කලකට පෙර එක් මහාධිකරණයක මා නිරීක්ෂණය කළ දෙයක් විය. එනම් එක්තරා විභාග නඩුවක ඊලඟ දිනයට සූදානම් වීම සඳහා අවශ්‍ය ව තිබූ සාක්ෂි සටහන් ලබාගැනීමට කීප වරක් උත්සාහ කලද ඒවා ලබාගැනීමට නොහැකි වූ බැවින් ඉදිරි දිනයක් ලබා ගැනීමට අවශ්‍ය බව රජයේ නීතිඥවරියක් ගරු විනිසුරුතුමා වෙත කියා සිටින ලදී. විත්තියේ නීතිඥ මහතාගේ ස්ථාවරය විමසූ කල්හි එයට විරෝධතාවය පල නොකල අතර එවැන්නක් තමාට ද සිදු වූ බව ප්‍රකාශ කරන ලදී. ඒ අනුව එම සාක්ෂි සටහන් වහාම ලබාදීමට නියෝගයක් කළ අතර ප්‍රමාදයට හේතු දක්වන ලෙසට විනිසුරුතුමන් විසින් රෙජිස්ටාර්වරයාට නියම කරන ලදී. එසේම විනය ක්‍රියා මාර්ග සම්බන්ධව කිසිවක් ප්‍රකාශ කරන ලද බවක් අසන්නට ලැබුණි. එහෙත් එය මා හට පැහැදිලිව නෑසුනි.
කෙසේ නමුත් අනවශ්‍ය ප්‍රමාදය යන්න විනිසුරුතුමා විසින් ඉතා තදින් හෙළා දුටු බව යන්න නම් පැහැදිලිය.
01. ඒ සිද්ධිය නිසාවෙන් හෝ,
02. අද දින සාක්ෂි සටහන් අදාල ගාස්තුවට යටත්ව දෙපාර්ශවයටම නිකුත් කරන ලෙසට නඩු පොතේම විනිසුරුතුමා විසින් සටහනක් දමා ඇති නිසාවෙන් හෝ
03. ඒ සිද්ධියේ සම්බන්ධයකින් තොරව හැබෑවටම ඔවුන්ගේ කාර්යක්ෂමතාව නිසාවෙන්
අදාල සහතික පිටපත අනවශ්‍ය ප්‍රමාදයකින් තොරව මා වෙත ලබා ගැනීමට හැකි විය. ඒ අනුව එය අගය කළ යුතුය. මේ සටහන ඒ වෙනුවෙනි!!!
No comments:
Post a Comment